LinkBack URL
About LinkBacks
السلام عليكم ورحمة الله وبركاته
هحكيلكم على المأساة اللى عيشتها مع اللعبة دى
فى البداية كانت سرعة النت عندى بطيئة نسبيا , فحملت اللعبة على انها رابط واحد وبيدعم الاستكمال وده اللى كان مكتوب فى الموضوع لكنه لم يكن فى هذا المنتدى , واخدت منى حوالى ثلاثة ايام على معرفت اخلص تحميل الملف ده وكانت مساحته 1.7 جيجا . كانت المفاجاة بعد مخلصت تحميله وبدأت تسطيب اللعبة وجدت رسالة ظهرت وبتقول ان فى ملف تانى ناقص وممكن تحمله من اللينك ده . طبعا الملف اللى كان ناقص بسلامته طلع مساحته 1.2 جيجا فقررت مسح الملف الاول لانى مكنش عندى استعداد استنى ثلاثة ايام تانى على ماحمل تانى ملف .
ومرت الايام ونسيت اللعبة خالص بعد ما فقدت الامل فيها,,,
ومنذ فترة ولله الحمد حصلت طفرة فى سرعة النت عندى ووصل التحميل لسرعة 250 كيلوبايت فى الثانية فقررت انى ارجع احمل اللعبة تانى وفعلا لكن المرة دى ماخدتش فى تحميلها اكتر من 6 ساعات حملت فيهم الملفين (3 جيجا تقريبا)
المشكلة دلوقتى واللى انا عاوز حد يساعدنى فيها انى مش لاقى كراك شغال للعبة بعد ما قلبت عليه الدنيا سواء المنتديات العربية او الاجنبية والكراك اللى لقيته لما اجى اشغله تطلع رسالة مكتوب فيها : the game has crashed ويسالنى اذا كنت عاوز اعمل تقرير بالخطأ ولا لأ .
علما بان النسخة اللى عندى حديثة وهى الاصدار 1.1 الانجليزى US وليس الاوروبى UA وان اللعبة نسخة كاملة بس محدودة المدة يعنى مسموحلك تلعبها لمدة ساعة واحدة وبعد كده لازم تشتريها ولازم تعرفوا حاجة مهمة كمان وهى ان الملفات الى استخدمتها لتنصيب اللعبة ملفات EXE يعنى من غير اسطوانات ولا حاجة علشان محدش يفتكر انى محتاج لباتش No Cd انا محتاج لملف SbzEngine الخاص بتشغيل اللعبة بس يكون Fixed علشان يلغى موضوع الوقت اللى قولتلكم عليه ويفضل يكون متجرب لانى حملت ملفات كتير وكلها بتطلع نفس الخطأ واخيرا نظام التشغيل اللى عندى ويندوز اكس بى سيرفس باك 2 وكارت الشاشة Gforce Fx 5200 128 والرامات 512
طبعا انا عارف ان فيه هنا ناس محترفين اكتر منى بمراحل فى المجال ده وان شاء الله يقدروا يجيبولى الملف ده وكل اللى اقدر اعمله انى اشكره واديله هديه مبتروحشى غير للحبايب قوى .
اسف للاطالة والسلام عليكم ورحمة الله وبركاته
مواقع النشر (المفضلة)